छोड़ ईं दुन्यां यूं माया क जिदेरू
हिट छान्यौं कौंला डेरू
यख नी क्वी तेरू मेरू
हिट छान्यौं कौंला डेरू
ओडु घसारि कैकु, न बिज्वाड़ कुद्याई
आवो बतावो क्वी,कैकु क्य खाइ चुर्याई
कैकि बाखरि खाई न भेरू
घणि कुळायूं क गैल,बांज देवदारू कि छैल
पौन पंछ्यों क दगड़ा,हिट न कर जिकुड़ि कैल
छोड़ गौं गळौं कु फेरू
गीत माया क मिसौंला,डांडि कांठ्यौं गुंजौंला
फूल प्रीत क खिलैक,बिट्टा पाखौं रंगौंला
होलु माया कु बसेरू
पर्वाणु कि दुन्यां य, यख मन कु क्य काम
बरखा घनाघोर,पैनु छ भारि घाम
यख छ बैर्यौ कु घेरू
