पैलित् यूँ आंख्यों म बसी नी क्वी
देखि तेरी मुखड़ी त फेर नि देखि क्वी ।
मौळ्यार लै गई हैर्याळू कै गई
एक डाळी जमै त्वेन फेर नि जमी क्वी ।
जिकुड़ी म रण मण आंख्यों म दण मण
एक त्वे न फेर नि ज़मी क्वी ।
उठाणा देवतों म कौल मंदिरु म अख्ल्यार
एक तूई मांगी छोरी फेर नि मांगी क्वी ।
फागूण लै गई यै मन रंगै गईं
एक तेर् वी रंग चड़ी फेर नि चड़ी क्वी ।
कुत ग्याळी लगै गई यै मन हंसै गई
एक फूल खिलै त्वे न, फेर नि खिली क्वी ।
